Palanpur Nagarpalika 2010: Election Results, New Faces

પાલનપુરનગરપાલિકામાં ભાજપના ૨૨, કોંગ્રેસના ૪, બસપાના એક અને અપક્ષના ૩ જ્યારે ડીસામાં ભાજપના ૧૬, કોંગ્રેસના ૩ અને૧૧અપક્ષ નવીન નગરસેવકોને પ્રજાએ તક આપી 

ભાજપની ‘નો રિપિટ’ થિયરીને મતદારોએ સ્વીકારી

બનાસકાંઠા જિલ્લાની પાલનપુર નગરપાલિકા અને ડીસા નગરપાલિકાની ચૂંટણી સંપન્ન થઇ છે. જેમાં પાલનપુર નગરપાલિકામાં ભાજપને ૨૪ બેઠકો મળતાં સ્પષ્ટ બહુમતી મળી છે. ત્યારે કોંગ્રેસને આઠ, બસપાને એક અને નવ અપક્ષ ઉમેદવારોનો વિજય થયો છે. જેમાં આ ચૂંટણીમાં ૪૨ માંથી ૩૦ નવા ચહેરાઓ પર મતદારોએ પસંદગીનો કળશ ઢોળ્યો છે. ત્યારે ૧૨ ઉમેદવારો રિપીટ થયા છે. જ્યારે ડીસા નગરપાલિકાની ૩૬ બેઠકોનું પરિણામ આવતાં પ્રજાએ ૩૦ નવા ચહેરાને તક આપી આપી છે. જેમાં ભાજપના ૧૬, કોંગ્રેસના ૪ અને અપક્ષ ચૂંટાઇ આવ્યા છે.

પાલનપુર નગરપાલિકાની ચૂંટણીમાં ભાજપે ‘નો રિપીટ’ ની થિયરી અપનાવી હતી. તો મતદારોએ પણ ‘નો રિપીટ થિયરી’ ને આવકાર આપ્યો હોય તેમ કુલ ૪૨ ઉમેદવારો પૈકી ૩૦ નવા ચહેરાઓને વિજયી બનાવ્યા છે. પાલનપુરમાં નો રિપીટ થિયરી ભાજપને ભારે પડશે તેમ ચૂંટણી પૂર્વે ભાજપમાંથી જ ટિકીટ કપાનાર નારાજ નગરસેવકો કહી રહ્યા હતા. પરંતુ ચૂંટણી પરિણામો જાહેર થતાં ભાજપની નો રિપિટ થિયરીએ જ રંગ રાખ્યો હોવાનું ભાજપ અગ્રણીઓ માની રહ્યા છે. 

પાલનપુર પાલિકાની ચૂંટણીમાં ૪૨ પૈકી કુલ ૩૦ ઉમેદવાર પ્રથમવાર ચૂંટાયા છે. જેમાં સૌથી વધુ ભાજપમાંથી ૨૨ નવા ચહેરા ચૂંટાયા છે. જેમાં કોંગ્રેસમાંથી ૪, બસપામાંથી એક અને અપક્ષમાંથી ત્રણ મળી ૩૦ નવા ચહેરાઓ પર મતદારોએ પસંદગીનો કળશ ઢોળ્યો છે. જ્યારે શહેરીજનોએ ૧૨ નગરસેવકોને પુન: તક આપી હતી. 

જ્યારે ડીસા નગરપાલિકાની ૩૬ બેઠકો માટે યોજાયેલી ચૂંટણીમાં ૩૦ નવા ચહેરાને એન્ટ્રી મળી છે જેમાં ભાજપે નો રિપિટ થિયરી અપનાવતાં નવા ચહેરાઓને તક આપી હતી જેમાં ભાજપના ૧૬ નગરસેવક ચૂંટાઇ આવ્યા છે. આમ, ભાજપ પક્ષમાંથી ચૂંટાઇ આવેલા તમામ નગરસેવકો નવા છે. જ્યારે કોંગ્રેસને ડીસા નગરપાલિકામાં ૪ બેઠક મળી છે. જેમાં ૩ નવા ચહેરાને તક મળી છે જ્યારે ડીસા નગરપાલિકામાં અપક્ષોએ મેદાન માયું છે જેમાં ૧૬ નગર સેવકો ચૂંટાઇ આવ્યા છે. તેમાથી ૧૧ નવા ચહેરાને પ્રજાએ તક આપી છે. 

વર્ષ-૨૦૦૫ માં યોજાયેલ ડીસા નગરપાલિકાની ચૂંટણીમાં ભાજપે ૧૯ બેઠક અને અપક્ષે ૧૭ બેઠકો પર કબજો જમાવ્યો હતો. ત્યારે કોંગ્રેસને એક બેઠક પણ મળી ન હતી. ત્યારે આ વર્ષે ભાજપ દ્વારા નો રિપિટ થીયરી અપનાવીને તમામ બેઠકો પર નવા ચહેરાઓને ટિકિટ આપી ચૂંટણી જંગમાં ઉતાર્યા હતા. જે પૈકી ૧૬ ઉમેદવારોને વિજય થયો હતો. જ્યારે ૨૦ ઉમેદવારોને કારમો પરાજય વેઠવાનો વારો આવ્યો હતો. 

ગત ટર્મની સરખામણીએ ભાજપને ત્રણ બેઠકની ઘટ પડી છે. જેની સામે આ વર્ષે કોંગ્રેસને ચાર બેઠકો મળી છે અને અપક્ષને ફાળે ૧૬ બેઠક ગઇ છે. શહેરની પ્રજાએ પણ આ વર્ષે અનોખો મિજાજ દાખવ્યો છે. ગત ટર્મમાં ચૂંટાયેલા કેટલાક ઉમેદવારોને પ્રજાએ આ વર્ષે જાકારો આપ્યો છે. ડીસા નગરપાલિકાની ૩૬ બેઠકો પૈકી ૩૦ બેઠક પર પ્રજાએ નવા ચહેરા અને યુવાનોને તક આપી છે. જેમાં ખાસ કરીને ભાજપની નો રિપિટ થીયરીને પ્રજાએ આવકારી છે.

પાલનપુર પાલિકાની ચૂંટણીમાં ૪૫ ઉમેદવારોની ડિપોઝિટ ડૂલ

પાલનપુર નગરપાલિકાના ચૂંટણી જંગમાં અપક્ષ ઉમેદવારોની ફોજ હોવાથી મતોનું વિભાજન થવા પામ્યું હતું. જેને કારણે ચૂંટણીમાં ૧૩૭માંથી ૪૫ ઉમેદવારોની ડિપોઝીટ ડૂલ થઇ જવા પામી છે. આ અંગે ચૂંટણી અધિકારી તેમજ પાલનપુર પ્રાંત ઓફિસર બી.એમ.વિરાણીએ જણાવ્યું હતું કે ‘નિયમ અનુસાર જે વોર્ડમાં થયેલા કુલ મતદાન પૈકી જે ઉમેદવારને છઠ્ઠાભાગથી ઓછા મત મળ્યા હોય તેવા ઉમેદવારોની ડિપોઝીટ જપ્ત થતી હોય છે.’ 

અત્રે ઉલ્લેખનીય છેકે પાલનપુર નગરપાલિકાના ચૂંટણી લડતા જે ઉમેદવારોની ડિપોઝીટ ડૂલ થઇ છે. તે ૪૫ ઉમેદવારો પૈકી સૌથી વધુ રર અપક્ષ ઉમેદવારેને ડિપોઝીટ ગુમાવવાનો વારો આવ્યો છે. ત્યારે ભાજપના સાત, કોંગ્રેસના નવ અને બસપાના એક ઉમેદવારનો પણ ડિપોઝીટ ગુમાવનાર ઉમેદવારોની યાદીમાં સમાવેશ 

Modi Speech after Nagarpalika 2010 results ; GAMM Theory

Modi Speech after Nagarpalika 2010 results

B.J.P. wins 24 seats, Congress 8, and Independents 9

B.J.P. won 24 seats of 42 in Palanpur Nagarpalika, and will be in control. Though people were fed up from the last body still they have given another chance to BJP. But elements who can still be nuisance to nagarpalika and hinder the progress of palanpur managed to win the election again.

Whats your take. Please post your comments on this.

Deesa Nagarpalika 2010 Election Results

ભાજપ - અપક્ષને ૧૬-૧૬ જ્યારે ભાજપને ફાળે માત્ર ચાર બેઠક 

અપક્ષો મેદાન મારી જતાં સત્તા અંગે પ્રવાહી સ્થિતિ

ડીસા નગરપાલિકાની યોજાયેલી ચૂંટણી માટે શનિવારે મત ગણતરી હાથ ધરાતાં કુલ ૧૨ વોર્ડની ૩૬ બેઠકોમાંથી ભાજપ અને અપક્ષોને ૧૬-૧૬ બેઠકો મળતાં ટાઇ સર્જાઇ હતી. જ્યારે કોંગ્રેસને માત્ર ચાર બેઠકો મળી હતી. ચૂંટણીમાં અપક્ષો મોટાપાયે મેદાન મારી જતાં સત્તા માટે પ્રવાહી સ્થિતિ સર્જાઇ છે અને હવે શાસન માટે ખેંચતાણ થવાની અને ઉમેદવારોના ભાવ બોલાય તેવી પરિસ્થિતિનું નિર્માણ થયું છે.

ડીસા નગરપાલિકાની ચૂંટણીમાં ભાજપના ૩૬, કોંગ્રેસના ૨૫, શિવસેના ૩, એન.સી.પી. ના એક તેમજ ૧૦૭ અપક્ષ મળી કુલ ૧૭૨ ઉમેદવારો મેદાનમાં હતા. આ ચૂંટણીમાં દરેક વોર્ડમાં અપક્ષોએ મોટાપાયે ઝંપલાવ્યું હોઇ સ્પષ્ટ પણે ત્રિપાંખીયો જંગ ખેલાયો હતો. જેમાં મતદારો પણ ઉત્સાહથી મતદાન કરતાં ૬૪.૯૮ ટકા જેટલું મતદાન થયું હતું. જેમાં શનિવારે ડીસાની ડી.એન.પી. આર્ટ્સ એન્ડ કોમર્સ કોલેજ ખાતે ચૂસ્ત સલામતી વ્યવસ્થા સાથે મત ગણતરી પ્રક્રિયા હાથ ધરાઇ હતી.

જેમાં વોર્ડ નં.-૧ થી ૬ અને વોર્ડ નં.-૭ થી ૧૨ ની ગણતરી માટે અલગ-અલગ રૂમની વ્યવસ્થા કરાઇ હતી. સવારે ૯-૦૦ કલાકે ગણતરી શરૂ થતાં સૌપ્રથમ વોર્ડ નં.-૧ અને વોર્ડ નં.-૭ ની પ્રક્રિયા હાથ ધરાઇ હતી. જેમાં શરૂઆતથી જ વોર્ડ નં.-૧ માં ભાજપને માત્ર એક અને અપક્ષોને બે બેઠક મળતાં લોકોની ગણતરી મુજબના પરિણામોની શરૂઆત થઇ હતી. જ્યારે વોર્ડ નં.-૭ માં ભાજપ અને અપક્ષના એક ઉમેદવારને ૭૮૪ મત મળતાં ટાઇ પડી હતી. જેથી ચીઢ્ઢી ઉછાળતાં ભાજપના ઉમેદવારનો વિજય થયો હતો.

ડીસામાં એક માત્ર વોર્ડ નં.-૩ માં ભાજપની આખી પેનલ જીતી હતી. જ્યારે વોર્ડ નં.-૬, ૧૧ અને ૧૨ માં તમામે તમામ અપક્ષો જીત્યા હતા. આમ કુલ ૩૬ માંથી ભાજપને ૧૬, અપક્ષોને ૧૬ અને કોંગ્રેસને ચાર બેઠકો મળતાં સત્તામાં બેસવા ભાજપને એક વેંત છેટું રહી ગયું છે અને પ્રવાહી સ્થિતિ સર્જાઇ છે.

એક દંપતીનો વિજય, બીજા દંપતીનો પરાજય 

ડીસા પાલિકાની ચૂંટણીમાં બે ઉમેદવારો અલગ-અલગ વોર્ડમાં પત્ની સાથે ચૂંટણી લડયા હતા. જેમાં કોંગ્રેસના ઉમેદવાર વિપુલકુમાર ભોગીલાલ શાહ વોર્ડ નં.-૨ માં અને તેમના પત્ની કૈલાસબેન વિપુલકુમાર શાહ વોર્ડ નં.-૪ માં કોંગ્રેસમાંથી ઉભા હતા. જ્યારે વોર્ડ નં.-૧ માં દિનેશકુમાર હરગોવનદાસ ત્રિવેદી કોંગ્રેસમાંથી જ્યારે તેમના પત્ની જયોત્સનાબેન દિનેશકુમાર ત્રિવેદી વોર્ડ નં.-૩ માંથી અપક્ષ તરીકે ચૂંટણી લડ્યા હતા. જેમાં કોંગ્રેસના વિપુલકુમાર શાહ અને તેમના પત્ની કૈલાસબેન શાહ વિજેતા બન્યા હતા. જ્યારે દિનેશભાઇ અને તેમના પત્નીનો પરાજય થયો હતો.

 

 

 

 

Palanpur Nagarpalika 2010: પાલનપુર નગરપાલિકામાં ‘કમળ’ ખિલ્યું

પાલિકાની ૪૨ બેઠકો પૈકી ૨૪માં ભાજપનો કબજો, કોંગ્રેસને આઠ, બસપાને એક બેઠક મળી, જ્યારે નવ અપક્ષ વિજયી બન્યા

પાલનપુર નગરપાલિકાની ૪૨ બેઠકોની ચૂંટણીમાં મતદાન બાદ શનિવારે મતગણતરી હાથ ધરવામાં આવી હતી. જેમાં ભાજપને સ્પષ્ટ બહુમતી મળી હતી. કુલ ૪૨ બેઠકો પૈકી ભાજપે ૨૪ બેઠકો પર કબજો કર્યો હતો. જ્યારે કોંગ્રેસને આઠ, બસપાને એક બેઠક મળી હતી. તેમજ નવ બેઠકો પર અપક્ષ ઉમેદવારોનો વિજય થયો હતો. ચૂંટણીના પરિણામો બાદ શહેરમાં ઠેર-ઠેર વિજય સરઘસ નિકળ્યા હતા.

પાલનપુર નગરપાલિકાની ૪૨ બેઠકો માટે ૧૩૭ ઉમેદવારો મેદાનમાં હતા. જેમના ભાવિનો શનિવારે ફેંસલો થઇ ગયો હતો. શનિવારે પાલિકાની ચૂંટણીના પરિણામો જાહેર થતાં ૪૨ બેઠકો પૈકી ૨૪ બેઠકો પર ભાજપના ઉમેદવારો વિજય થતાં ભાજપને સ્પષ્ટ બહુમતી મળી હતી. જ્યારે કોંગ્રેસને આઠ માત્ર બેઠકો મળી હતી. તેમજ નવ બેઠકો પર અપક્ષો વિજયી બની ભાજપ-કોંગ્રેસના આગેવાનોને આંચકો આપ્યો હતો. જ્યારે પાલનપુર પાલિકાની ચૂંટણીમાં સૌ પ્રથમવાર વોર્ડ નં. ૧માં બહુજન સમાજ પાર્ટીના ઉમેદવાર ગજરાજ તારાચંદ ગોસાઇએ પક્ષના નામે વિજયનું ખાતું ખોલાવ્યું હતું.

વિજયી બનેલા ઉમેદવારો દ્વારા પોતાના મતવિસ્તારોમાં મતદારોનો આભાર માનવા વિજય સરઘસનું આયોજન કરાયું હતું. જેથી ઠેર- ઠેર ઢોલ, નગારા, શરણાઇના સૂર અને અબીલ ગુલાલની છોળો વચ્ચે વિજય સરઘસ નિકળ્યા હતા. ચૂંટણીના પરિણામોને લઇ ભાજપ છાવણીમાં આનંદની લાગણી છવાઇ હતી. પાલિકાની ચૂંટણીમાં ભાજપને સ્પષ્ટ બહુમતી મળતાં શનિવારે પાલનપુર ગુરૂનાનક ચોક ખાતે વિજયોત્સવ મનાવવામાં આવ્યો હતો. આ પ્રસંગે ભાજપના જિલ્લા પ્રમુખ ડૉ. કે.એસ. મોગરા, ભાજપ અગ્રણી હરિભાઇ ચૌધરી, દાંતા ધારાસભ્ય વસંતભાઇ ભટોળ, ગિરીશભાઇ જગાણીયા, ગણપતભાઇ જોષી, કુમુદબેન જોષી, યુવા મોરચા મહામંત્રી રમેશભાઇ પટેલ, યુવા અગ્રણી હરેશભાઇ ચૌધરી, જશવંત વાઘેલા, પરેશભાઇ ત્રિવેદીએ ઉપસ્થિત રહી ફટાકડા ફોડી ભાજપને વધાવ્યો હતો.

પાલનપુર પાલિકાના પૂર્વ અને વર્તમાન મળી ચાર પ્રમુખ વિજયી બન્યા

પાલનપુર નગરપાલિકાની ચૂંટણીમાં પાલિકાની ચૂંટણીમાં ત્રણ પૂર્વ પ્રમુખો અને વર્તમાન પ્રમુખ વિજયી બન્યા હતા. જેમાં ભાજપે ટિકીટ ન આપતાં અપક્ષમાંથી વોર્ડ નં. ૭ માંથી ચૂંટણી લડતા પાલિકાના પૂર્વ પ્રમુખ અશોકભાઇ ઠાકોર, વોર્ડ નં. ૯ માંથી અપક્ષ તરીકે ચૂંટણી લડતા અમૃતભાઇ જોષી પણ વિજયી બન્યા છે.

જ્યારે પાલિકાના વર્તમાન પ્રમુખ કોંગ્રેસમાંથી ચૂંટણી લડી મહેશભાઇ પટેલ વોર્ડ નં. ૧૦ માંથી વિજયી બન્યા છે. એ જ રીતે પાલિકાના પૂર્વ ઇ.ચા. પ્રમુખ ઇબ્રાહીમભાઇ મલેક વોર્ડ નંબર-પાંચમાંથી કોંગ્રેસના નિશાન પર ચૂંટણી લડી વિજયી બન્યા છે. આમ પાલિકાની વર્તમાન અને પૂર્વ મળી કુલ ચાર પ્રમુખ ચૂંટણીમાં વિજયી બન્યા છે.

ઇબ્રાહીમભાઇ મલેકનો વિજય છગ્ગો 

પાલનપુરની નગરપાલિકાના નગરસેવક તરીકે ઇબ્રાહીમભાઇ મલેક પ્રથમવાર ૧૯૮૦ માં ચૂંટાઇ આવ્યા હતા. ત્યારથી તેઓ નગરસેવક તરીકે ચૂંટણી લડે છે. તેઓ અગાઉ પાંચ ટર્મ ચૂંટણી લડી વિજયી પણ બન્યા હતા. જ્યારે આ વખતે પણ છઢ્ઢી ટર્મ ચૂંટણી લડી કુલ ૧૩૭ ઉમેદવારોમાં સૌથી વધુ મત મેળવી વિજયનો છગ્ગો લગાવ્યો હતો.

પાલનપુરમાં સૌથી વધુ ઇબ્રાહીમ મલેક અને સૌથી ઓછા મત મનિષ પ્રજાપતિને મળ્યા

પાલનપુર નગરપાલિકાની ચૂંટણીની મતગણતરી શનિવારે સંપન્ન થઇ હતી. જેમાં ચૂંટણી લડેલા ૧૩૭ ઉમેદવારો પૈકી સૌથી વધુ ૧૯૦૮ મત વોર્ડ નંબર-૫ ના કોંગ્રેસના ઉમેદવાર ઇબ્રાહીમભાઇ કડુભાઇ મલેકને મળ્યા હતા. જ્યારે સૌથી ઓછા ૩૬ મત વોર્ડ નંબર-૧૦ ના અપક્ષ ઉમેદવાર મનિષભાઇ પ્રજાપતિને મળ્યા હતા.

ચૂંટણી પ્રક્રિયામાં સાથ સહકાર બદલ કલેક્ટરે આભાર માન્યો

બનાસકાંઠા જિલ્લામાં પાલનપુર અને ડીસા નગરપાલિકા તેમજ ધાનેરા પાલિકા પેટા ચૂંટણી, ધાનેરા તાલુકાની જડીયા બેઠક, વડગામ તાલુકા પંચાયતની પેટા ચૂંટણી યોજાઇ હતી. જેમાં સાથ સહકાર આપનાર રાજકીય પક્ષો તેમજ આમ જનતાનો જિલ્લા કલેક્ટર આર.જે.પટેલે આભાર વ્યક્ત કર્યો હતો.’

Palanpur Nagarpalika 2010: Election Results

પાલનપુર નગરપાલિકા

પાર્ટી.......વિજેતા

ભાજપ........24

કોંગ્રેસ..........8

અન્ય..........10

MNC NARENDRA MODI SPEECH 4

Congress Candidate withdraws in Favor of Ashok Thakore ?

Great Job !!!

palanpur nagarpalika 2010

Nagarpalika 2010: ભાજપમાં ભડકો

પાલનપુર અને ડીસા નગરપાલિકાની ચૂંટણીમાં ભાજપ દ્વારા ‘નો રિપિટ’ થિયરી અપનાવાઇ : પાલનપુર પાલિકા પ્રમુખે અપક્ષમાંથી ઉમેદવારી નોંધાવી : ડીસા નગરપાલિકા પ્રમુખ અને ઉપ પ્રમુખ અને શાશક પક્ષના નેતાનું પત્તુ કપાયું

પાલનપુર અને ડીસા નગરપાલિકામાં ભાજપની નો-રિપિટની થિયરી ભાજપને ભારે પડી રહી છે. ભાજપના દિગ્ગજ નગરસેવકોએ ટિકીટ ન મળતાં અપક્ષમાંથી ઝંપલાવ્યું છે. જેને લઇ પાલનપુર અને ડીસામાં રાજકીય ગરમાવો પ્રસરી જવા પામ્યો છે.પાલનપુર નગરપાલિકામાં ગત વર્ષની બોડીમાં ભાજપમાંથી ચૂંટાયેલા કોર્પોરેટરો ચૂંટણીમાં ટિકીટ ફાળવવામાં ન આવતાં તેમણે પક્ષ સામે બળવો પોકારી અપક્ષ ઉમેદવારી નોંધાવી છે. જેમાં નગરપાલિકા પ્રમુખ અમૃતભાઇ જોષી, પાલિકાના પૂર્વ ભાજપ પ્રમુખ અને વોર્ડ નં.૭ માંથી ચૂંટાયેલા અશોકભાઇ ઠાકોરે અપક્ષ ઉમેદવારી નોંધાવી છે. 

આ ઉપરાંત વોર્ડ નં. ૧ માં ચૂંટાયેલા શાંતિલાલ પઢિયાર, વોર્ડ નં. ૨ માં કોંગ્રેસમાં ચૂંટાઇને ભાજપને ટેકો જાહેર કરનાર શકુંતલાબેન રાવલ, વોર્ડ નં. ૧૨ માં અપક્ષ તરીકે ચૂંટાઇ ભાજપને ટેકો જાહેર કરનાર મહેન્દ્રભાઇ અંબાલાલ પટેલે ભાજપમાંથી ટિકીટની માંગણી કરી હતી પરંતુ તેઓને પક્ષે ટિકીટ ન ફાળવતાં અપક્ષમાં ઝંપલાવી ભાજપના ઉમેદવારોને પડકાર ફેંકયો છે.

તો બીજી બાજુ ડીસામાં પણ ભાજપમાં ‘નો રીપીટ’ થિયરીથી બે નગરસેવકોએ અગાઉ અપક્ષ તરીકે ઝંપલાવી બળવાની શરૂઆત કરી હતી. જ્યારે સોમવારે છેલ્લા દિવસે ટિકીટ માંગી હોય પરંતુ નામ ન હોય તેવા દાવેદારોએ અપક્ષ ઉમેદવારી કરી ભાજપને આંચકો આપ્યો હતો. અપક્ષ તરીકે ઉમેદવારી કરવામાં ડૉ. સી.કે.પટેલ, વિજયકુમાર હાથીભાઇ વાઘેલા, લખુભાઇ માળી અને ભારતીબેન ભરતભાઇ પટેલ જેવા દિગ્ગજ ઉમેદવારોએ ભાજપથી નારાજ થઇ અપક્ષ ઉમેદવારી કરી છે. જ્યારે રીનાબેન ધનેશભાઇ પરમાર, નરસિંહભાઇ પટેલે પણ અપક્ષ ઉમેદવારી નોંધાવી છે. 

છેલ્લા દિવસે ડીસામાં દિગ્ગજ ગણાતાં ઉમેદવારો વિપુલકુમાર ભોગીલાલ શાહ, પી.પી. ભરતીયા, નિતાબેન અશોકભાઇ જોષી સહિતના ઉમેદવારોએ દાવેદારી નોંધાવતા ચૂંટણી ભારે રસાકસી ભરી બની રહેશે. 

મારું રાજકિય એન્કાઉન્ટર કરવા માંગે છે..

પાલનપુર પાલિકાની ચૂંટણીમાં કેટલાક લોકો મારું રાજકિય એન્કાઉન્ટર કરવા માંગે છે. જેને કારણે મારી ટિકીટ કપાઇ છે. પરંતુ મારા વોર્ડના મતદારોની લાગણીને માન આપી મેં અપક્ષમાં ઉમેદવારી કરી છે. મને મારા વોર્ડના મતદારો વિજયી બનાવશે તેવી પુરી શ્રદ્ધા છે.- અમૃતભાઇ જોષી, પ્રમુખ,પાલનપુર નગરપાલિકા

ભાજપના નારાજ હોદ્દેદારોને કોંગ્રેસે ટિકિટ આપી દીધી 

પાલનપુર નગરપાલિકામાં ભાજપના કેટલાક હોદ્દેદારોને ભાજપે ટિકીટ ન આપતાં તકનો લાભ લઇ કોંગ્રેસે તેમના હાથમાં ટિકિટ થમાવી દીધી છે. જેમાં પાલનપુર શહેર ભાજપના ભૂતપૂર્વ મહિલા પ્રમુખ ભારતીબેન શૈલેષકુમાર ગુપ્તા, પાલનપુર શહેર ભાજપના ઉપપ્રમુખ રક્ષાબેન પરમાર, ભાજપના કાર્યકર અશોકભાઇ જોષી, શહેર યુવા મોરચાના કોષાધ્યક્ષ ચાહત મંડોરાને કોંગ્રેસે ટિકિટ ફાળવી છે. 

રાજીનામું આપનારા મહિલા ઉપપ્રમુખનું શક્તિ પ્રદર્શન 

પાલનપુર શહેર ભાજપ ઉપપ્રમુખ રક્ષાબેન મહેન્દ્રભાઇ પરમારે ભાજપમાં ટિકીટ માંગી હતી. જેમને ટિકીટ ન મળતાં પક્ષમાંથી રાજીનામું આપ્યું હતું. ત્યારે ઉમેદવારીપત્ર ભરવાના છેલ્લા દિવસે તેમને સમર્થકો સાથે બાઇકરેલી યોજીને ઉમેદવારી પત્ર ભર્યું હતું.

કોંગ્રેસમાં ઉમેદવારોના નામ કપાતાં નારાજગી

કોંગ્રેસ પક્ષ દ્વારા પાલનપુર નગરપાલિકાની ચૂંટણીમાં કોંગ્રેસમાંથી ઉમેદવારી કરનાર કેટલાક ઉમેદવારે પક્ષ ટિકીટ આપશે તેવી આશા હતી. પરંતુ છેલ્લી ઘડીએ કેટલાક ઉમેદવારોના નામ કપાતાં કોંગ્રેસમાં પણ કેટલાક અગ્રણીઓમાં નારાજગી વ્યાપી જવા પામી છે. તો બીજી બાજુ કોંગ્રેસે કેટલાક ભાજપના નારાજ ઉમેદવારોને આખરી દિવસે મેન્ડેડ ફાળવી દેતાં કોંગ્રેસના કેટલાક અગ્રણીઓ અને કાર્યકરોમાં નારાજગી 

Palanpur Nagarpalika 2010: Lucky Palanpuris get double dhamaka..

This time if we are lucky and if we cast votes properly, we get 2 instead of 1; and therefore increase the chance for palanpur's favourite Shri Ashokbhai Thakore to become president for next 5 years. JAI HO!!


બનાસકાંઠા જિલ્લામાં મહત્વની ગણાતી પાલનપુર નગરપાલિકામાં આ વખતે ચૂંટણી ભારે રસાકસીપૂર્ણ બની રહે તેવા એંધાણ વર્તાઈ રહયા છે.પાલનપુર પાલીકાની કુલ ૪ર સીટ માટે ર૭૪ ઉમેદવારીપત્રો ભરાતા આ વર્ષે જેઓને ભાજપ કે કોંગ્રેસ દ્વારા મેન્ડેટ ન અપાતા કેટલાક કાર્યકરોએ પાર્ટી સામે બળવો કરીને અપક્ષ ઉમેદવારી નોંધાવી છે.હાલમાં જાણવા મળ્યા મુજબ પાલનપુર પાલિકા પ્રમુખ તરીકે કાર્યરત ભાજપાના અમૃતભાઈ જોષીએ વોર્ડ નં.૯ માટે અપક્ષ ઉમેદવારી નોંધાવી છે.જયારે પૂર્વ પ્રમુખ અશોકભાઈ ઠાકોરે પણ વોર્ડ નં.૭ માં અને તેમના ધર્મપત્નિ કોકીલાબેન અશોકભાઈ ઠાકોરે વોર્ડ નં.૧૧ માં અપક્ષ ઉમેદવારી નોંધાવી છે. ભાજપના મહીલા મોર્ચાના ઉપપ્રમુખ પદેથી રાજીનામું આપીને વોર્ડ નં.૯ માં કોગ્રેસની સીટ પર રક્ષાબેન મહેન્દ્રભાઈ પરમારે ઉમેદવારી નોંધાવી છે. કોંગ્રેસમા પણ જેમણે ટીકીટ માંગી હતી અને ન મળતાં તેવા ઉમેદવારોએ પણ અપક્ષ ઉમેદવારી નોંધાવી છે.આ બાબતે કોંગ્રેસના મુકેશ ચૈહાણે જણાવ્યું હતું કે,અમો હજુ કોંગ્રેસના બળવાખોરોની તપાસ ચલાવી રહયા છીએ.આમ બન્ને પક્ષમાં અસંતુષ્ટો દ્વારા અપક્ષ ઉમેદવારી નોધાવી હતી.ભાજપ અને કોંગ્રેસના મેન્ડેટ આજે ચૂંટણી અધિકારી સમક્ષ રજુ કરવામાં આવ્યા હતા. કેટલાક ચર્ચાસ્પદ નામોની બાદબાકી થતાં તે પૈકીના કેટલાકે અપક્ષ ઉમેદવારી પત્ર ચાલુ રહે તે મુજબની ઉમેદવારી નોધાવેલ હોઈ હવે તેઓ અપક્ષ લડી લેવાના મુડમાં પણ આવી ગયા હતા

પાલનપુરમાં નો રિપીટ સામે ભાજપમાં બળવાના એંધાણ

પાલનપુરમાં નો રિપીટ સામે ભાજપમાં બળવાના એંધાણ
ભ્રષ્ટાચારી અને શિસ્તભંગ કરનારાઓને કાપવાની હિંમત નહી કરનાર ભાજપે રહ્યા સહ્યા પ્રમાણિક સભ્યોના સ્વમાન ઉપર ઘા કર્યો છે
પાલનપુર -
પાલનપુર નગરપાલિકાની સામાન્ય ચૂંટણીમાં હિંમત ગુમાવી બેઠેલા ભાજપના આગેવાનોએ ભ્રષ્ટાચારીઓને પડતા મુકવાના બદલે નો રિપિટનો તબલખી માપદંડ નક્કી કરતાં ઈમાનદાર સભ્યો અને ખુદ મ્યુ. પ્રમુખ કપા જતાં હવે કયો પ્રમાણિક આગળ આવશે ? એ પ્રશ્ન પુછાવવા માંડયો છે.
નામો આજે જાહેર થશે એવા ગુબ્બારા બે દિવસથી હવામાં ચાલી રહ્યા છે. ત્યારે ભ્રષ્ટાચારી અને શિસ્તભંગ કરનારાઓને કાપવાની હિંમત નહિ કરી શકનાર ભાજપની નેતાગીરીએ નો રિપિટનો માપદંડ આગળ કરી રહ્યા સહ્યા પ્રમાણિક મ્યુ. સભ્યોના સ્વમાન ઉપર ઘા કરતાં પાલનપુર ભાજપમાં બળવાના એંધાણ ઉભા થયા છે. બીજી બાજુ કોંગ્રેસે ભાજપની આ હાલતનો લાભ લેવા ભાજપના ચાર-પાંચ આગેવાનો સમક્ષ ટિકિટના દાણા વેર્યા છે. એમાં એક અગ્રણીની પત્નીને પ્રમુખ બનાવવાનું વચન પણ અપાઈ ગયાનું બહાર આવ્યું છે. અ સાથે ટિકિટવાંચ્છુંઓને ઉમેદવારીપત્રો ભરી દેવા સૂચના આપી દેવાઈ છે. પણ મેન્ડેટ ચોથીએજ આપવાનું જાહેર કરાયું છે.
દરમિયાન ભાજપમાં ટિકિટ માટે ઉમેદવારોનો બાયોડેટા લેનાર એક આગેવાને એવી હૈયાવરાળ ઠાલવી હતી કે પક્ષે નો રિપિટ થીયરી અપનાવવી હતી તો પહેલેથી નક્કી કહેવું હતું. અમેજ ઈમાનદાર સભ્યોને પ્રોત્સાહિત કરી પેનલ બનાવી હતી આજે અમારું પણ નાક વઢાઈ ગયું છે

Deesa B.J.P. ; Dissidence,

Palanpur Nagarpalika: Dissidents